"Барселона" ҳужумчиси Мемфис Депай "Ювентус"га ўтиши мумкин.
Форвард Америка Қўшма Штатларидаги мавсумолди турнеси тугашини кутмоқда, кейин эса келажаги борасида бир қарорга келади.
Олдинроқ "Барселона" футболчи учун 20 миллион евро олишни режалаштираётгани ҳақида маълумотлар пайдо бўлганди.
Ўтган мавсумда футболчи "Барселона" сафида барча мусобақаларда 37 та ўйинда 13 та гол урди ва 2 та голли узатмани амалга оширди. Transfermarkt.com портали футболчининг нархини 35 миллион еврога баҳоламоқда.
Унинг "Барселона" билан шартномаси 2023 йилнинг ёзига қадар мўлжалланган. Эслатиб ўтамиз, Депай Каталония клубига 2020 йилнинг ёзида эркин агент сифатида ўтган эди.
