"Atalanta" va Ukraina terma jamoasi yarim himoyachisi Viktor Kovalenko o‘tgan mavsumda ijara asosida o‘ynagan "Spesiya" jamoasiga qaytishga yaqin turibdi. Bu haqda italiyalik jurnalist Nikolo Skira o‘zining ijtimoiy tarmoqlarida ma’lum qildi.
Qayd etilishicha, ukrainalik futbolchi yana "Spesiya"ga bir yillik ijara asosida o‘tadi. Shu bilan birga, Italiya klubi ikki million yevroga sotib olish opsiyasiga ega bo‘ladi.
O‘tgan mavsumda "Spesiya"da ijara asosida 26 yoshli Kovalenko A Seriyada bitta gol urgan va to‘rtta golli uzatmani amalga oshirgan edi.
