"PSJ" hujumchisi Neymar tanqidlar haqida gapirdi.
“Men mutlaqo bema’ni gaplarni gapirayotganlar bilan bahslashishga tayyor emasman. 13 yoshimdan beri meni tanqid qilishadi. Men juda uzoq vaqt jim turdim. Agar men rozi bo‘lmagan narsa haqida gapiradigan bo‘lto‘sa, men yana gapiraman. Har bir harakat reaksiya bilan birga keladi. Xohlaganingizni aytishingiz mumkin, lekin keyin eshitishni istamagan narsangizni tinglang”, - deb yozdi Neymar tvitterdagi sahifasida.
30 yoshli Neymar 2017 yildan beri parijliklar jamoasida to‘p tepadi. "PSJ" safida 144 ta o‘yinda maydonga tushib, 100 ta gol urdi va 60 ta golli uzatmani amalga oshirdi. Tomonlar o‘rtasidagi kelishuv 2025 yilda yakuniga yetadi.
