"Chelsi" va "Atletiko"ning braziliyalik sobiq hujumchisi Diyego Kosta Ispaniya chempionatiga qaytishi mumkin, deb yozadi jurnalist Matteo Moretto o‘zining "Twitter"ida.

Manbaga ko‘ra, futbolchi "Rayo Valyekano"ga qaytishga yaqin turibdi. Ma’lum qilinishicha, klub prezidenti va futbolchi o‘rtasida allaqachon to‘g‘ridan-to‘g‘ri aloqalar bo‘lgan. Tomonlar shartnoma imzolanishi mumkinligiga optimistik qarashmoqda.

Diyego Kostaning so‘nggi klubi Braziliyaning "Atletiko Mineyro"si edi. U 2022 yilning yanvarida jamoani tark etgan.

Kosta avvalroq “Raso Valyekano”da o‘ynagan. U klub safida 16 ta o‘yin o‘tkazib, 10 ta gol urdi va 4 ta golli uzatmani amalga oshirdi. Bungacha Kosta "Valyadolid", "Selta", "Braga" va boshqa bir qator klublarda ham to‘p tepgan.