"Челси" ва "Атлетико"нинг бразилиялик собиқ ҳужумчиси Диего Коста Испания чемпионатига қайтиши мумкин, деб ёзади журналист Маттео Моретто ўзининг "Twitter"ида.

Манбага кўра, футболчи "Райо Вальекано"га қайтишга яқин турибди. Маълум қилинишича, клуб президенти ва футболчи ўртасида аллақачон тўғридан-тўғри алоқалар бўлган. Томонлар шартнома имзоланиши мумкинлигига оптимистик қарашмоқда.

Диего Костанинг сўнгги клуби Бразилиянинг "Атлетико Минейро"си эди. У 2022 йилнинг январида жамоани тарк этган.

Коста аввалроқ “Рацо Вальекано”да ўйнаган. У клуб сафида 16 та ўйин ўтказиб, 10 та гол урди ва 4 та голли узатмани амалга оширди. Бунгача Коста "Вальядолид", "Сельта", "Брага" ва бошқа бир қатор клубларда ҳам тўп тепган.