“Roma”ning yangi futbolchisi Paulo Dibala Rim klubiga o‘tganidan so‘ng birinchi kuniyoq o‘z nomi yozilgan futbolkalarni sotish bo‘yicha rekord o‘rnatdi, deb xabar bermoqda Corriere dello Sport.
Nashrning yozishicha, so‘nggi rekordchi portugaliyalik hujumchi Krishtianu Ronaldu bo‘lgan. U "Yuventus"ga kelgan kuni rekord o‘rnatgandi.
Qayd etilishicha, Ronaldu kelgan birinchi kuniyoq 500 000 dona futbolka sotilgan. Dibalaning liboslari esa transferning birinchi kunidayoq darhol 530 mingga sotilgan.
Eslatib o‘tamiz, Paulo Dibala Rim klubiga erkin agent sifatida o‘tgan edi. U uch yillik shartnoma imzoladi. Avvalroq, argentinalik futbolchi "Yuventus" safida 293ta o‘yin o‘tkazib, 115ta gol urgan va 48ta golga assistentlik qilgan.
