"Lion"ning yangi hujumchisi Aleksandr Lyakazett klub bosh murabbiyi Piter Bosh bilan janjallashib qoldi.
Fransiyalik hujumchi yaqinda “Lion”ning “Feyenoord”ga qarshi mavsumoldi o‘yinida gol urdi. Maydonda ishlar yaxshi ketayotganiga qaramay, tanaffus vaqtida kiyinish xonasida futbolchi va murabbiy o‘rtasida mojaro kelib chiqqan.
Foot Mercato xabariga ko‘ra, Bosh Lyakazettdan ma’lum bir pozisiyada o‘ynashni so‘ragan, futbolchi bunga amal qilmagan. Qizig‘i shundaki, hujumchini jamoadoshlari qo‘llab-quvvatlagan, ularning ba’zilari na Boshning ko‘rsatmalarini, na o‘yin rejasini tushunmagan.
Lyakazett "Arsenal" bilan shartnomasi tugaganidan so‘ng ushbu mavsum oralig‘ida "Lion"ga ko‘chib o‘tdi.
O‘tgan mavsumda futbolchi APLda 30ta o‘yinda maydonga tushib, 4ta gol urdi va 7ta golga assistentlik qildi.
