"Yuventus" yarim himoyachisi Adriyen Rabyo faoliyatini APLda davom ettirishi mumkin. Futbolchiga "Everton" qiziqish bildirmoqda.

The Mirror xabariga ko‘ra, ingliz klubi hozir 2022/23 yilgi mavsum boshlanishi oldidan tarkibni kuchaytirish uchun futbolchilar qidirmoqda. Ammo Rabyo maoshini qisqartirishi va Chempionlar ligasida o‘ynashdan voz kechishi kerak.

Oldinroq "Yuventus" 27 yoshli Rabyo bilan yozda xayrlashmoqchi emasligi xabar qilingandi.

Rabyo o‘tgan mavsumda barcha turnirlarda 45 ta o‘yinda maydonga tushib, 2 ta golli uzatmani amalga oshirgan. Uning transfer narxi 17 million yevro.