Mircha Luchesku muxlislarning Vladimir Putin haqida hayqiriqlari tufayli matbuot anjumaniga kelmadi.
Kiyevning "Dinamo" klubi bosh murabbiyi Mircha Luchesku "Fenerbaxche"ga qarshi Chempionlar ligasi saralashining 2-tur uchrashuvidan keyin tashkil etilgan matbuot anjumanida ishtirok etmadi.
Spor nashri xabariga ko‘ra, ruminiyalik mutaxassis bunga turk klubi muxlislari Rossiya prezidenti Vladimir Putin haqida hayqirgani sabab bo‘lgan.
"Dinamo" futbolchisi Vitaliy Buyalskiy kiritgan golini Istanbul klubi muxlislari ko‘z o‘ngida nishonlaganidan so‘ng, "Shukur Saracho‘g‘li" stadioniga tashrif buyurgan mezbon jamoa muxlislari “La-la-la, Vladimir Putin!” deya hayqira boshlashdi.
