"Barselona" o‘zining niderlandiyalik hujumchisi Memfis Depayni "Yuventus"ga taklif qildi, deb xabar bermoqda Corriere dello Sport.

O‘tgan yozda "Barselona"ga o‘tganiga qaramay, 28 yoshli hujumchi sotiladigan futbolchilar ro‘yxatiga kiritildi, chunki Kataloniya klubi moliyaviy muammolarini hal qila olmayapti. "Barselona" yangi o‘yinchilarini joy bo‘shatmaguncha va ish haqini kamaytirmaguncha ro‘yxatdan o‘tkaza olmaydi.

Ma’lumotlarga ko‘ra, futbolchini "Yuventus" sotib olmoqchi.

Depay "Barselona"ga 2021 yilning yozida kelib, jamoaga erkin agent sifatida qo‘shilgan edi. O‘shandan beri 37 ta o‘yinda Memfis 13 ta gol urdi va 2 ta golli uzatmani amalga oshirdi. Tomonlar o‘rtasidagi kelishuv 2023 yilning yozida yakuniga yetadi.