“Inter” hujumchisi Aleksis Sanches Fransiyaning “Marsel” klubiga o‘tishi mumkin. Faqat buning uchun u birinchi navbatda "neradzurrilar" bilan kelasi yozgacha amal qiladigan shartnomani buzishi kerak. Bu haqda Le Parisien xabar bermoqda.

Eslatib o‘tamiz, "Inter"ning o‘zi ham Sanchesdan qutulmoqchi, chunki chililik futbolchi klubning maosh olish bo‘yicha birinchi o‘rinlardan biri hisoblanadi. Jamoada Aleksis borligi sababli "neradzurrilar" "Roma"ga o‘tgan Paulo Dibalani qo‘lga kirita olmadi.

"Marsel"ning Sanchesga bo‘lgan qiziqishiga hatto Chili terma jamoasida hujumchi bilan birga ishlagan bosh murabbiy Xorxe Sampaolining iste’fosi ham ta’sir qilmadi.