“Интер” ҳужумчиси Алексис Санчес Франциянинг “Марсель” клубига ўтиши мумкин. Фақат бунинг учун у биринчи навбатда "нерадзуррилар" билан келаси ёзгача амал қиладиган шартномани бузиши керак. Бу ҳақда Le Parisien хабар бермоқда.
Эслатиб ўтамиз, "Интер"нинг ўзи ҳам Санчесдан қутулмоқчи, чунки чилилик футболчи клубнинг маош олиш бўйича биринчи ўринлардан бири ҳисобланади. Жамоада Алексис борлиги сабабли "нерадзуррилар" "Рома"га ўтган Пауло Дибалани қўлга кирита олмади.
"Марсел"нинг Санчесга бўлган қизиқишига ҳатто Чили терма жамоасида ҳужумчи билан бирга ишлаган бош мураббий Хорхе Сампаолининг истеъфоси ҳам таъсир қилмади.
