"Arsenal" himoyachisi Nuno Tavaresh "Marsel"ga o‘tishga yaqin turibdi, deya xabar beradi jurnalist Fabrisio Romano.
Manbaga ko‘ra, fransuz klubi 22 yoshli portugaliyalikni sotib olish huquqisiz ijaraga oladi.
Qayd etilishicha, himoyachi 29 iyul, juma kuni tibbiy ko‘rikdan o‘tadi.
Tavaresh o‘tgan mavsumda londonliklar safida barcha musobaqalarda 28 ta o‘yinda maydonga tushib, 1 ta gol urdi va 2 ta golli uzatmani amalga oshirdi. Uning klub bilan shartnomasi 2025 yilning 30 iyuniga qadar amal qiladi.