"Arsenal" va Urugvay terma jamoasi yarim himoyachisi Lukas Torreyra "Valensiya"ga o‘tishi mumkin, deb xabar beradi AS.

Manbaning xabariga ko‘ra, ispan klubi yozgi transfer oynasida futbolchini sotib olmoqchi. “Kanonirlar” yarim himoyachini sotishga tayyor, ammo ma’lum summa evaziga.

26 yoshli Torreyra o‘tgan mavsumda "Fiorentina"da ijara asosida o‘ynagan va klub safida barcha turnirlarda 35 ta o‘yinda maydonga tushib, 5 ta gol urgan va 2 ta golli uzatmani amalga oshirgan. Uning klub bilan shartnomasi 2023 yilning yoziga qadar mo‘ljallangan.