"Manchester Yunayted" "Vulverxempton" yarim himoyachisi Pedru Netuga qiziqish bildirmoqda.

Erik ten Xag jamoasi hujumkor yarim himoyachi qidirishda davom etmoqda. Bu o‘rin uchun asosiy da’vogar "Ayaks"dan Entoni edi, biroq gollandlar bir necha kun oldin futbolchining narxini oshirib yuborishdi.

Endi "Manchester Yunayted" Netuga ko‘z tikmoqda. Yarim himoyachi "bo‘rilar" bilan shartnomasini 2027 yilgacha uzaytirdi, biroq Fichajesning so‘zlariga ko‘ra, agar adekvat taklif tushsa, "bo‘rilar" yarim himoyachi bilan xayrlashishga tayyor.

Portugaliyalik futbolchi o‘tgan mavsumda 13 ta o‘yinda maydonga tushib, 1 ta gol urdi va 1 ta golli uzatmani amalga oshirdi.