"Манчестер Юнайтед" "Вулверхэмптон" ярим ҳимоячиси Педру Нетуга қизиқиш билдирмоқда.
Эрик тен Хаг жамоаси ҳужумкор ярим ҳимоячи қидиришда давом этмоқда. Бу ўрин учун асосий даъвогар "Аякс"дан Энтони эди, бироқ голландлар бир неча кун олдин футболчининг нархини ошириб юборишди.
Энди "Манчестер Юнайтед" Нетуга кўз тикмоқда. Ярим ҳимоячи "бўрилар" билан шартномасини 2027 йилгача узайтирди, бироқ Fichajesнинг сўзларига кўра, агар адекват таклиф тушса, "бўрилар" ярим ҳимоячи билан хайрлашишга тайёр.
Португалиялик футболчи ўтган мавсумда 13 та ўйинда майдонга тушиб, 1 та гол урди ва 1 та голли узатмани амалга оширди.