"Tottenxem" yarim himoyachisi Garri Uinksni sotishda muammoga duch kelmoqda. "Everton" va "Lids" bilan muzokaralar to‘xtab qoldi.
"Tottenxem" 25 yoshli yarim himoyachi uchun da’vogarlardan 30 million yevro talab qilmoqda. Uinks faoliyatini "Everton"da davom ettirishga tayyor edi, ammo klubning moliyaviy muammolari shartnomani yakunlashiga to‘sqinlik qildi.
"Lids" esa futbolchi uchun bunday mablag‘ ajratish niyatida emas va endi boshqa variantlarni ko‘rib chiqmoqda, deb xabar bermoqda The Athletic.
Transfer oynasi yopilishi arafasida “Tottenxem” narxlarni pasaytirishga majbur bo‘lishi kutilmoqda.
Futbolchi o‘tgan mavsumda APLda 19 ta o‘yinda maydonga tushib, 1 ta golli uzatmani amalga oshirgan.