"Тоттенхэм" ярим ҳимоячиси Гарри Уинксни сотишда муаммога дуч келмоқда. "Эвертон" ва "Лидс" билан музокаралар тўхтаб қолди.
"Тоттенхэм" 25 ёшли ярим ҳимоячи учун даъвогарлардан 30 миллион евро талаб қилмоқда. Уинкс фаолиятини "Эвертон"да давом эттиришга тайёр эди, аммо клубнинг молиявий муаммолари шартномани якунлашига тўсқинлик қилди.
"Лидс" эса футболчи учун бундай маблағ ажратиш ниятида эмас ва энди бошқа вариантларни кўриб чиқмоқда, деб хабар бермоқда The Athletic.
Трансфер ойнаси ёпилиши арафасида “Тоттенхэм” нархларни пасайтиришга мажбур бўлиши кутилмоқда.
Футболчи ўтган мавсумда АПЛда 19 та ўйинда майдонга тушиб, 1 та голли узатмани амалга оширган.
