Italiyalik jurnalist Nikolo Skira ijtimoiy tarmoqlarda xabar berishicha, "Atalanta" ushbu transfer oynasida hujumchisi Luis Muriel bilan xayrlashishi mumkin.
Qayd etilishicha, og‘ir moliyaviy ahvol tufayli Bergamo klubi kolumbiyalik futbolchining transferi bo‘yicha boshqa jamoalarning takliflarini tinglashga majbur bo‘lishi mumkin. Biroq, manba hozircha hujumchi xizmatlariga qiziqayotgan klublar nomini aytmagan.
O‘tgan mavsumda Muriel Italiya A Seriyasida 9 ta gol urgan va 8 ta golli uzatmaga mualliflik qilgan. Bungacha kolumbiyalik futbolchi "Sampdoriya", "Udineze", "Sevilya" va "Fiorentina" kabi klublarda to‘p surgan.