Италиялик журналист Николо Скира ижтимоий тармоқларда хабар беришича, "Аталанта" ушбу трансфер ойнасида ҳужумчиси Луис Муриэль билан хайрлашиши мумкин.
Қайд этилишича, оғир молиявий аҳвол туфайли Бергамо клуби колумбиялик футболчининг трансфери бўйича бошқа жамоаларнинг таклифларини тинглашга мажбур бўлиши мумкин. Бироқ, манба ҳозирча ҳужумчи хизматларига қизиқаётган клублар номини айтмаган.
Ўтган мавсумда Муриэль Италия А Сериясида 9 та гол урган ва 8 та голли узатмага муаллифлик қилган. Бунгача колумбиялик футболчи "Сампдория", "Удинезе", "Севилья" ва "Фиорентина" каби клубларда тўп сурган.
