«Ливерпуль» клубининг собиқ устози Юрген Клопп Мадриднинг «Реал» клубини бошқармайдиган бўлди. Томонларнинг ҳамкорлик бўйича олиб борган музокаралари боши берк кўчага кириб қолди. Эҳтимолий тайинлов амалга ошмайдиган бўлди. Бу ҳақда Cadena SER нашри хабар бермоқда.

Манба берган маълумотларга кўра, якунда «Реал» амалга ошириш осонроқ бўлган вариантга эътибор қаратади. «Қаймоқранглилар» вақт йўқотиб, бир неча ой давомида Клоппни кўндириш ниятида эмаслар. Мадридликлар «қоғозда» унчалик идеал кўринмаса-да, тайинловини қисқа муддатда ташкил қилиш мумкин бўлган номзодни танлашга тайёр.

Аввалроқ ОАВ «Реал» бош мураббийлигига Жозе Моуриньо, Маурисио Почеттино ва Лионель Скалони номзодларини боғлаётган эди.