Madridning “Real” klubi “Chelsi” hujumchisi Timo Vernerga qiziqish bildirmoqda.
Defence Central xabariga ko‘ra, "Real Madrid" germaniyalik futbolchini sotib olishga qiziqish bildirayotgan "Arsenal" va "Yuventus" klublari bilan raqobatlashadi.
Oldinroq 26 yoshli hujumchi kelasi mavsumda ham "Chelsi"da qolishi xabar qilingandi.
Verner 2020 yilning 1 iyulida "Leypsig"dan London klubiga kelib qo‘shilgan edi. O‘tgan mavsumda forvard “aristokratlar” safida 37 ta o‘yinda 11 ta gol urdi va 6 ta golli uzatmani amalga oshirdi. Nemisning klub bilan shartnomasi 2025 yilning 30 iyuniga qadar amal qiladi.
