Мадриднинг “Реал” клуби “Челси” ҳужумчиси Тимо Вернерга қизиқиш билдирмоқда.
Defence Central хабарига кўра, "Реал Мадрид" германиялик футболчини сотиб олишга қизиқиш билдираётган "Арсенал" ва "Ювентус" клублари билан рақобатлашади.
Олдинроқ 26 ёшли ҳужумчи келаси мавсумда ҳам "Челси"да қолиши хабар қилинганди.
Вернер 2020 йилнинг 1 июлида "Лейпциг"дан Лондон клубига келиб қўшилган эди. Ўтган мавсумда форвард “аристократлар” сафида 37 та ўйинда 11 та гол урди ва 6 та голли узатмани амалга оширди. Немиснинг клуб билан шартномаси 2025 йилнинг 30 июнига қадар амал қилади.
