Bugun Bekobodning “Metallurg” jamoasi tarkibini yana bir iqtidorli o‘yinchi bilan to‘ldirdi. Klub 25 yoshli Bosniya va Gersegovinalik yarim himoyachi Kerim Palich bilan bir yarim yillik shartnoma imzoladi.

Kerim Palich Sarayevo shahrida tavallud topgan. Professional futbolchilik faoliyatini “Jeleznichar” jamoasida boshlagan. Keyinchalik “Bosna Yunion”, “Inter” (Bratislava), “Krupa”, “Sarayevo” jamoalarida to‘p surdi. Bosniya va Gersegovina terma jamoalariga jalb etilgan. O‘smirlar, U-19 terma jamoalari tarkibida xalqaro uchrashuvlarda maydonga tushgan. Faoliyati davomida 120 ta uchrashuvda to‘p surgan. 6 ta to‘p kiritgan.

Bosniya va Gersegovina milliy chempionati – Premyer ligasida 46 uchrashuvda mvydonga chiqib (“Krupa”da 28 ta, “Sarayevo”da 18 ta o‘yin), 1 ta gol kiritgan. 15 marta ogohlantirilgan.

Kerim Palich (Bosniya va Gersegovina)
25 yoshda. 1997 yilning 24 yanvar sanasida tavallud topgan.
Ampluasi: yarim himoyachi
Faoliyat yuritgan jamoalari:
2014 – 2015 yillar – “Jeleznichar”
2016 yil – “Bosna Yunion”
2017 yil – “Inter” (Bratislava, Slovakiya)
2018 – 2020 yillar – “Krupa” FK
2021 – 2022 yillar – “Sarayevo” FK