Londonning “Arsenal” klubi yozda birdaniga uchta darvozabondan qutulishni rejalashtirmoqda, deya xabar beradi Angliya OAVlari.

Bu futbolchilar orasida: Bernd Leno, Runar Runarsson va Artur Okonkvo.

30 yoshli Leno 2018 yilning yozidan beri "kanonirlar"ning sharafini himoya qilib kelmoqda. O‘shandan beri nemis darvozaboni "Arsenal" safida 125 ta o‘yin o‘tkazib, 145 ta gol o‘tkazib yuborgan va 37 marta darvozasini daxlsizligini saqlab qolgan. Darvozabon "Fulxem" jamoasiga o‘tishga yaqin turibdi.

27 yoshli Runarsson "Arsenal"da 2020 yildan buyon to‘p suradi. Bu vaqt ichida islandiyalik posbon “kanonirlar” tarkibida oltita o‘yin o‘tkazib, yetti gol o‘tkazib yubordi va uch marta o‘z darvozasi daxlsizligini saqlab qoldi. Runarsson faoliyatini Daniyaning “Kopengagen” klubida davom ettirishi kutilmoqda.

20 yoshli Okonkvo "Arsenal" tarbiyalanuvchisi bo‘lib, "kanonirlar"ning asosiy jamoasida birorta ham rasmiy o‘yin o‘tkazmagan. Jurnalist Charlz Vattning xabar berishicha, yosh darvozabon ijaraga beriladi.