Лондоннинг “Арсенал” клуби ёзда бирданига учта дарвозабондан қутулишни режалаштирмоқда, дея хабар беради Англия ОАВлари.

Бу футболчилар орасида: Бернд Лено, Рунар Рунарссон ва Артур Оконкво.

30 ёшли Лено 2018 йилнинг ёзидан бери "канонирлар"нинг шарафини ҳимоя қилиб келмоқда. Ўшандан бери немис дарвозабони "Арсенал" сафида 125 та ўйин ўтказиб, 145 та гол ўтказиб юборган ва 37 марта дарвозасини дахлсизлигини сақлаб қолган. Дарвозабон "Фулхэм" жамоасига ўтишга яқин турибди.

27 ёшли Рунарссон "Арсенал"да 2020 йилдан буён тўп суради. Бу вақт ичида исландиялик посбон “канонирлар” таркибида олтита ўйин ўтказиб, етти гол ўтказиб юборди ва уч марта ўз дарвозаси дахлсизлигини сақлаб қолди. Рунарссон фаолиятини Даниянинг “Копенгаген” клубида давом эттириши кутилмоқда.

20 ёшли Оконкво "Арсенал" тарбияланувчиси бўлиб, "канонирлар"нинг асосий жамоасида бирорта ҳам расмий ўйин ўтказмаган. Журналист Чарлз Ваттнинг хабар беришича, ёш дарвозабон ижарага берилади.