"Manchester Yunayted" "Napoli" yarim himoyachisi Fabian Ruisning transferi borasida muzokaralar olib bormoqda, deb xabar beradi Calcio Napoli 24.

Manbaning xabariga ko‘ra, "Yunayted" bosh murabbiyi Erik ten Xag "Barselona"dan Frenki de Yong bilan kelishuv bo‘yicha qiyinchiliklar tufayli Ruisning jamoaga transferi masalasini ko‘rib chiqishga tayyor.

Futbolchining o‘zi italyan klubidan ketmoqchi va u bilan shartnomani uzaytirishni rejalashtirmayapti. O‘tgan mavsumda yarim himoyachi jamoa safida 32 ta o‘yinda maydonga tushib, 7 ta gol urdi va 4 ta golli uzatmani amalga oshirdi.