"Chikago" darvozaboni Gabriel Slonina tez orada "Chelsi" bilan shartnoma imzolaydi, deya xabar beradi jurnalist Fabrisio Romano.
Manbaga ko‘ra, tomonlar 18 yoshli amerikalik futbolchining transferi bo‘yicha kelishib olgan. 31 iyul kuni futbolchi Londonga uchib ketadi va u yerda transfer oldidan tibbiy ko‘rikdan o‘tadi.
Qayd etilishicha, “Chelsi” Slonina uchun 15 million dollar to‘laydi, futbolchining o‘zi esa yil oxirigacha “Chikago”da qoladi.
Joriy mavsumda Slonina MLSda 23 ta o‘yinda maydonga tushib, o‘z darvozasidan 28 ta gol o‘tkazib yuborgan va 10 ta bahsda darvozasi daxlsizligini saqlab qolgan.