"Чикаго" дарвозабони Габриэл Слонина тез орада "Челси" билан шартнома имзолайди, дея хабар беради журналист Фабрицио Романо.
Манбага кўра, томонлар 18 ёшли америкалик футболчининг трансфери бўйича келишиб олган. 31 июль куни футболчи Лондонга учиб кетади ва у ерда трансфер олдидан тиббий кўрикдан ўтади.
Қайд этилишича, “Челси” Слонина учун 15 миллион доллар тўлайди, футболчининг ўзи эса йил охиригача “Чикаго”да қолади.
Жорий мавсумда Слонина МЛСда 23 та ўйинда майдонга тушиб, ўз дарвозасидан 28 та гол ўтказиб юборган ва 10 та баҳсда дарвозаси дахлсизлигини сақлаб қолган.
