"RB Leypsig" bosh murabbiyi Domeniko Tedesko "Bavariya" bilan Germaniya Superkubogi uchun o‘tkazilgan o‘yinda jamoasi mag‘lubiyatga uchragani haqida gapirdi.
“Bavariya va Yulian Nagelsmannni Superkubokda g‘alaba qozongani bilan tabriklayman. Birinchi bo‘lim umuman biz kutgandek bo‘lmadi. "Bavariya"ga qarshi o‘yinda xatolar juda tez-tez sodir bo‘ladi. Ikkinchi bo‘limda o‘yin tizimini o‘zgartirdik. Biz gol o‘tkazib, 3:5 hisobida mag‘lub bo‘lgandan ko‘ra, hisobni tenglashtirishga va 4:4 ga yetkazishga yaqinroq edik... Keling, o‘yinni ko‘rib chiqamiz va tahlil qilamiz.
Bosh murabbiy sifatida ko‘p o‘ylashim va qaysi taktika va qaysi futbolchilar o‘yinimizni samaraliroq qilishini aniqlashim kerak. Biz barcha yigitlarni imkon qadar tezroq optimal darajaga olib chiqishimiz kerak. Bugun hamma mavsumoldi boshida bo‘lganidan farqni allaqachon payqagan edi", deya Tedeskoning so‘zlaridan iqtibos keltiradi "RB Leypsig" rasmiy sayti.
