Rossiya Federasiyasining Vladivostok shahrida o‘tkazilayotgan VII «Osiyo bolalari» sport o‘yinlarining uchinchi kungi bellashuvlari vakillarimiz uchun ancha omadli kelmoqda. Vakillarimiz  bellashuvlarda quyidagi medallarni qo‘lga kiritishdi:

Ulyana Nazmutdinova 100 metrga chalqancha suzishda 1.06.75 natija bilan bronza medalini qo‘lga kiritdi.

Yengil atletikachilarimiz Rustam Abdullayev (100 m) oltin, Amir Ishonxodjayev (100 m), Karina Karimova (100 m), Islom Tilaboldiyev (400 m) va Ruxshona Muhammadinova (3 000m) bronza medallarini qo‘lga kiritishdi.

Yengil atletikaning uzunlikka sakrash dasturida qatnashgan hamyurtlarimiz Rustam Abdullayev oltin, Sarvar Meyliyev esa kumush medalga sazovor bo‘ldi.

Yunon-rum kurashi bo‘yicha 44 kg vazn toifasida Husniddin Abdukarimov oltin medalni qo‘lga kiritdi.

Shu tariqa, «Osiyo bolalari» xalqaro sport o‘yinlarida hozircha O‘zbekiston terma jamoasi hisobida 14ta medal, ya’ni 5ta oltin, 4ta kumush va 5ta bronza bor.