Niderlandiyaning "PSV" klubi darvozaboni Valter Benites Chempionlar ligasi 3-saralash bosqichidan o‘rin olgan "Monako"ga qarshi bo‘lib o‘tadigan o‘yin oldidan oldingi fikrlari bilan o‘rtoqlashdi.

“Yangi klubga yaxshi moslashdim. Bunda menga jamoadoshlarim va murabbiylar shtabi yordam berishdi. "PSV"da o‘zimni ajoyib his qilyapman. Bo‘lajak raqibimizga qarshi ko‘p o‘ynaganman. "Monako" - mohir futbolchilarga ega yaxshi jamoa", - dedi darvozabon NOS bilan suhbatda.

Benites joriy transfer oynasida Fransiyaning "Nissa" klubidan "PSV" jamoasiga ko‘chib o‘tdi.

Jamoalar o‘rtasidagi ilk o‘yin Monakoda bugun Toshkent vaqti bilan soat 23:00da boshlanadi.