Нидерландиянинг "ПСВ" клуби дарвозабони Валтер Бенитес Чемпионлар лигаси 3-саралаш босқичидан ўрин олган "Монако"га қарши бўлиб ўтадиган ўйин олдидан олдинги фикрлари билан ўртоқлашди.
“Янги клубга яхши мослашдим. Бунда менга жамоадошларим ва мураббийлар штаби ёрдам беришди. "ПСВ"да ўзимни ажойиб ҳис қиляпман. Бўлажак рақибимизга қарши кўп ўйнаганман. "Монако" - моҳир футболчиларга эга яхши жамоа", - деди дарвозабон NOS билан суҳбатда.
Бенитес жорий трансфер ойнасида Франциянинг "Ницца" клубидан "ПСВ" жамоасига кўчиб ўтди.
Жамоалар ўртасидаги илк ўйин Монакода бугун Тошкент вақти билан соат 23:00да бошланади.













