"PSJ" himoyachisi Tilo Kerer jamoani tark etish niyati yo‘qligini bildirdi.
"Hozirda bor e’tiborim faqat "PSJ"da o‘ynash va eng yaxshi formada bo‘lishga qaratilgan. Men o‘zimni ajoyib his qilyapman. Mening asosiy maqsadim - muvaffaqiyatga erishish, shuning uchun men buning uchun eng yaxshi sharoitlarni yaratishga harakat qilaman. "PSJ" rahbariyati bilan bog‘lanmadim, bu yozda jamoani tark etishim mumkinligi haqidagi mish-mishlar haqiqatga to‘g‘ri kelmaydi", - dedi Kerer.
Kerer 2018 yilning avgustidan beri "PSJ"da to‘p suradi. 25 yoshli nemis o‘tgan mavsumda parijliklar safida 33 ta o‘yinda maydonga tushib, 2 ta gol urgan.
Avvalroq futbolchiga "Sevilya" qiziqayotgani haqida xabarlar tarqalgan edi. Transfermarkt portali futbolchining narxini 22 million yevroga baholamoqda.













