"ПСЖ" ҳимоячиси Тило Керер жамоани тарк этиш нияти йўқлигини билдирди.
"Ҳозирда бор эътиборим фақат "ПСЖ"да ўйнаш ва энг яхши формада бўлишга қаратилган. Мен ўзимни ажойиб ҳис қиляпман. Менинг асосий мақсадим - муваффақиятга эришиш, шунинг учун мен бунинг учун энг яхши шароитларни яратишга ҳаракат қиламан. "ПСЖ" раҳбарияти билан боғланмадим, бу ёзда жамоани тарк этишим мумкинлиги ҳақидаги миш-мишлар ҳақиқатга тўғри келмайди", - деди Керер.
Керер 2018 йилнинг августидан бери "ПСЖ"да тўп суради. 25 ёшли немис ўтган мавсумда парижликлар сафида 33 та ўйинда майдонга тушиб, 2 та гол урган.
Аввалроқ футболчига "Севилья" қизиқаётгани ҳақида хабарлар тарқалган эди. Transfermarkt портали футболчининг нархини 22 миллион еврога баҳоламоқда.