Karl-Xayns Rummenigge Sadio Mane va Matteys de Ligtni yuqori saviyadagi futbolchilar deb hisoblamaydi.
Shu yilning yozida Mane va de Ligt "Bavariya"ga ko‘chib o‘tishdi.
"Nega hamma yozgi transferlar uchun Xasan Salihamidjichni maqtayapti? Rostini aytsam, men bu shodlikka qo‘shila olmayman.
Sadio Mane va Matteys de Ligtga hurmat saqlagan holda aytamanki, men uchun ular jahon darajasidagi futbolchilar emas. Albatta, Mane Bundesligada yaxshi o‘ynaydi va o‘z gollarini uradi, lekin u 30 yoshda va bu mutlaq top daraja deb o‘ylamayman. Agar shunday bo‘lmaganida, Yurgen Klopp uni "Liverpul"da saqlab qolish uchun ko‘proq kurashgan bo‘lardi.
Men de Ligtga yanada shubha bilan qarayman. Albatta, u endigina 22 yoshda. Ammo "Yuventus"dagi uch mavsumda vaqtni behuda o‘tkazdi. U "Ayaks"dagi faoliyatini ajoyib tarzda boshlaganidan keyin rivojlanishni davom ettira olmadi. O‘ylaymanki, uni "Bavariya" himoyasi yetakchisi deb e’lon qilish juda jasoratli", - dedi Myunxen klubining sobiq bosh direktori Sportbuzzer.de saytiga.
