"Liverpul" himoyachi Nataniel Fillips uchun moliyaviy talablarni kamaytirmoqchi emas.
Klub shu hafta 25 yoshli futbolchi uchun tushgan takliflarni ko‘rib chiqadi. “Fulxem” va “Bornmut” futbolchini o‘z safiga qo‘shib olmoqchi, biroq hech bir klub “Liverpul”ning moliyaviy talablarini hali qondirgani yo‘q – klub 10 million funt sterlingdan ko‘proq talab qilmoqda, deb yozadi Goal.com.
Ehtimol, "qizillar"ning so‘rovlari qondiriladi, chunki ingliz futbolchisining transferi bo‘yicha kamida to‘rtta jamoa klub bilan bog‘lanishgan.
"Liverpul" Filipsni sotishni ma’qul ko‘radi, chunki bu o‘yinchi uchun adolatliroq bo‘lardi. Shu bilan birga, Yurgen Klopp Nataniel jamoada beshinchi markaziy himoyachi sifatida qolsa xursand bo‘lardi.
A Seriyaning kamida ikkita klubi futbolchi atrofidagi vaziyatni kuzatmoqda. Ular buning uchun 10 million funt sterlingdan ko‘proq pul to‘lashga tayyormi yoki yo‘qligi noma’lum.
Qishda mersisaydliklar Fillipsni "Uotford"ga 7 million funtga sotishdan bosh tortdi va "Anderlext"ning undan ham pastroq taklifini rad etdi.
O‘tgan mavsumning ikkinchi qismida Nataniel "Bornmut"da ijara asosida o‘ynadi. U Chempionshipda 17 ta o‘yin o‘tkazdi va jamoaga Premyer-ligaga chiqishga yordam berdi.
