"Ливерпуль" ҳимоячи Натаниэль Филлипс учун молиявий талабларни камайтирмоқчи эмас.

Клуб шу ҳафта 25 ёшли футболчи учун тушган таклифларни кўриб чиқади. “Фулхэм” ва “Борнмут” футболчини ўз сафига қўшиб олмоқчи, бироқ ҳеч бир клуб “Ливерпуль”нинг молиявий талабларини ҳали қондиргани йўқ – клуб 10 миллион фунт стерлингдан кўпроқ талаб қилмоқда, деб ёзади Goal.com.

Эҳтимол, "қизиллар"нинг сўровлари қондирилади, чунки инглиз футболчисининг трансфери бўйича камида тўртта жамоа клуб билан боғланишган.

"Ливерпуль" Филипсни сотишни маъқул кўради, чунки бу ўйинчи учун адолатлироқ бўларди. Шу билан бирга, Юрген Клопп Натаниэль жамоада бешинчи марказий ҳимоячи сифатида қолса хурсанд бўларди.

А Сериянинг камида иккита клуби футболчи атрофидаги вазиятни кузатмоқда. Улар бунинг учун 10 миллион фунт стерлингдан кўпроқ пул тўлашга тайёрми ёки йўқлиги номаълум.

Қишда мерсисайдликлар Филлипсни "Уотфорд"га 7 миллион фунтга сотишдан бош тортди ва "Андерлехт"нинг ундан ҳам пастроқ таклифини рад этди.

Ўтган мавсумнинг иккинчи қисмида Натаниэль "Борнмут"да ижара асосида ўйнади. У Чемпионшипда 17 та ўйин ўтказди ва жамоага Премьер-лигага чиқишга ёрдам берди.