Lotar Matteusning fikricha, Yulian Nagelsmann Robert Levandovskining ketishidan foyda ko‘radi.
"Uning futbol falsafasi Pep Gvardiolanikiga o‘xshaydi. U to‘qqizlik hujumchini yoqtirmaydi, ammo jamoangizda Robert Levandovski bo‘lsa, siz bunday o‘ynashingiz kerak bo‘ladi. Menimcha, u Levandovski ketganidan unchalik norozi emas.
"Bavariya" so‘nggi 10-15 yildan beri 4-2-3-1 tizimi bo‘yicha o‘ynamoqda. Levandovski bilan, undan oldin esa Miroslav Kloze bilan. Har doim to‘qqizlik hujumchi bo‘lgan.
Endi Nagelsmann bu tarzda o‘ynamaydi. Biz uning 4-2-2-2 o‘yin uslubini "Leypsig"da ko‘rganmiz.
Uning jamoasi butunlay boshqacha. "Leypsig"da u ikki hujumchi - Timo Verner va Yusuf Poulssen bilan o‘ynagan", — deydi Matteus.