"Milan" klubi va Braziliya terma jamoasining sobiq himoyachisi Kafu Qatar bo‘lajak Jahon chempionatida kimni favorit deb bilishi haqida fikr bildirdi.
Kafuning Sport.es nashriga aytishicha, Qatar ajoyib turnir bo‘ladi, chunki u o‘z madaniyatiga ega bo‘lgan qiziqarli va mehmondo‘st mamlakat. Braziliyalik futbolchi turnirda g‘oliblikka da’vogarlardan biri uning jamoasi bo‘lishini ta’kidladi.
"Men Germaniya, Fransiya, Argentina va Portugaliya terma jamoalarini ham favoritlar qatoriga qo‘shgan bo‘lardim", - deya qo‘shimcha qildi sobiq futbolchi.
Eslatib o‘tamiz, amaldagi Jahon chempionlari fransuzlardir. Qatardagi Jahon chempionati 21 noyabr kuni boshlanadi va 18 dekabrga qadar davom etadi.
