"Милан" клуби ва Бразилия терма жамоасининг собиқ ҳимоячиси Кафу Қатар бўлажак Жаҳон чемпионатида кимни фаворит деб билиши ҳақида фикр билдирди.
Кафунинг Sport.es нашрига айтишича, Қатар ажойиб турнир бўлади, чунки у ўз маданиятига эга бўлган қизиқарли ва меҳмондўст мамлакат. Бразилиялик футболчи турнирда ғолибликка даъвогарлардан бири унинг жамоаси бўлишини таъкидлади.
"Мен Германия, Франция, Аргентина ва Португалия терма жамоаларини ҳам фаворитлар қаторига қўшган бўлардим", - дея қўшимча қилди собиқ футболчи.
Эслатиб ўтамиз, амалдаги Жаҳон чемпионлари французлардир. Қатардаги Жаҳон чемпионати 21 ноябрь куни бошланади ва 18 декабрга қадар давом этади.
