"Lester" yarim himoyachi Jeyms Meddison bo‘yicha "Nyukasl"ning ikkinchi taklifini rad etdi. Sky Sports xabariga ko‘ra, "hakkalar" 25 yoshli angliyalik uchun 48 million yevro to‘lashga tayyor edi.
Manbaga ko‘ra, "Lester" o‘z futbolchisi uchun taxminan 70 million yevro olmoqchi.
Yarim himoyachining amaldagi shartnomasi 2024 yilgacha mo‘ljallangan. Transfermarkt portali futbolchining narxini 50 million yevroga baholamoqda.
Meddison “Lester” safida 2018 yilning iyulidan beri to‘p suradi. Yarim himoyachi o‘tgan mavsumda "Lester" safida barcha turnirlarda 53 o‘yinda maydonga tushib, 18 gol urdi va 12 golga assistentlik qildi.