"Лестер" ярим ҳимоячи Жеймс Мэддисон бўйича "Ньюкасл"нинг иккинчи таклифини рад этди. Sky Sports хабарига кўра, "ҳаккалар" 25 ёшли англиялик учун 48 миллион евро тўлашга тайёр эди.
Манбага кўра, "Лестер" ўз футболчиси учун тахминан 70 миллион евро олмоқчи.
Ярим ҳимоячининг амалдаги шартномаси 2024 йилгача мўлжалланган. Transfermarkt портали футболчининг нархини 50 миллион еврога баҳоламоқда.
Мэддисон “Лестер” сафида 2018 йилнинг июлидан бери тўп суради. Ярим ҳимоячи ўтган мавсумда "Лестер" сафида барча турнирларда 53 ўйинда майдонга тушиб, 18 гол урди ва 12 голга ассистентлик қилди.
