"Real" hujumchisi Rodrigo har doim Madrid klubida o‘ynashni va Chempionlar ligasida g‘alaba qozonishni orzu qilganini aytdi. 21 yoshli braziliyalikning so‘zlariga ko‘ra, u bunga erishganiga ishona olmaydi.
“Ba’zida o‘zimga shunday deyman: “Yo Xudoyim, men Chempionlar ligasida g‘alaba qozondim!” — Rodrigoning so‘zlaridan iqtibos keltiradi Marca nashri. "Menimcha, men bunga erishganimni tushunishim qiyin. Men doim "Real"da o‘ynashni va Chempionlar ligasida g‘alaba qozonishni orzu qilganman. Men buni 21 yoshimda amalga oshirdim. Lekin men nafaqat Chempionlar ligasida, balki ikki marta Ispaniya chempionatida, ikki marta Ispaniya Superkubogida g‘alaba qozonganman. Menimcha, bundan yaxshiroq bo‘lishi mumkin emas edi" - deya qo‘shimcha qildi Rodrigo.
Hujumchi o‘tgan mavsumda Madrid klubi safida barcha musobaqalarda 49ta o‘yinda maydonga tushib, 9ta gol urdi va 9ta golli uzatmani amalga oshirdi. Uning klub bilan shartnomasi 2025 yilning 30 iyuniga qadar mo‘ljallangan.
