“Manchester Yunayted”ning sobiq hujumchisi Edinson Kavani Dortmundning “Borussiya” klubi bilan kelishuvga erishdi, deb xabar beradi Bild.

Manbaga ko‘ra, potensial transferning asosiy muammosi 35 yoshli urugvaylik futbolchining katta maoshi bo‘lib turibdi. Forvardning yillik maoshi 10 million yevrodan oshib ketadi.

Qayd etilishicha, katta ehtimol bilan Dortmund klubi bunga qurbi yetmaydi, shuning uchun hujumchi maoshini sezilarli darajada kamaytirishga majbur bo‘ladi.

O‘tgan mavsumda Kavani mankunianliklar safida barcha musobaqalarda 20 ta o‘yinda 2 ta gol urgan. U 2022 yilning 30 iyunida erkin agent sifatida klubni tark etdi.