“Манчестер Юнайтед”нинг собиқ ҳужумчиси Эдинсон Кавани Дортмунднинг “Боруссия” клуби билан келишувга эришди, деб хабар беради Bild.

Манбага кўра, потенциал трансфернинг асосий муаммоси 35 ёшли уругвайлик футболчининг катта маоши бўлиб турибди. Форварднинг йиллик маоши 10 миллион евродан ошиб кетади.

Қайд этилишича, катта эҳтимол билан Дортмунд клуби бунга қурби етмайди, шунинг учун ҳужумчи маошини сезиларли даражада камайтиришга мажбур бўлади.

Ўтган мавсумда Кавани манкунианликлар сафида барча мусобақаларда 20 та ўйинда 2 та гол урган. У 2022 йилнинг 30 июнида эркин агент сифатида клубни тарк этди.