"Barselona"ga UYEFA tomonidan Chempionlar ligasi bo‘yicha televideniye huquqlari bo‘yicha bo‘lajak daromaddan kredit garovi sifatida foydalanishga ruxsat berilmagan. Bu haqda The Athletic xabar bermoqda. Manbaning yozishicha, ispan klubi rahbariyati bu qarordan hayratda qolgan. UYEFA bunday qarorga jamoaning keyingi mavsumlarda turnirda ishtirok etishiga kafolat bera olmasligi bilan izohlagan.

Avvalroq, "Barselona" keyingi 25 yil davomida televizion huquqlarining 10 va 15 foizini sotib olish opsiyasi bilan sotish bo‘yicha ikkita bitim tuzdi. Bitimning umumiy summasi 650 million yevrodan oshdi va jamoaga transferlarni amalga oshirish va yangi kelganlarni ro‘yxatdan o‘tkazish imkonini berdi. Shuningdek, "Barca Studios"ning 24,5% huquqlari 100 million yevroga sotilgan.