"Барселона"га УЕФА томонидан Чемпионлар лигаси бўйича телевидение ҳуқуқлари бўйича бўлажак даромаддан кредит гарови сифатида фойдаланишга рухсат берилмаган. Бу ҳақда The Athletic хабар бермоқда. Манбанинг ёзишича, испан клуби раҳбарияти бу қарордан ҳайратда қолган. УЕФА бундай қарорга жамоанинг кейинги мавсумларда турнирда иштирок этишига кафолат бера олмаслиги билан изоҳлаган.

Аввалроқ, "Барселона" кейинги 25 йил давомида телевизион ҳуқуқларининг 10 ва 15 фоизини сотиб олиш опцияси билан сотиш бўйича иккита битим тузди. Битимнинг умумий суммаси 650 миллион евродан ошди ва жамоага трансферларни амалга ошириш ва янги келганларни рўйхатдан ўтказиш имконини берди. Шунингдек, "Barca Studios"нинг 24,5% ҳуқуқлари 100 миллион еврога сотилган.