"Barselona"da ketishni istamaydigan futbolchi bilan yana bir muammo bor. Klub rahbariyati Martin Breytueytdan qutulish variantini topdi.
Klub maxsus qoidadan foydalanishga tayyor. Agar futbolchi 28 yoshdan katta bo‘lsa, shartnomasining uchinchi yili boshlangan bo‘lsa, klub uni shartnoma bo‘yicha qolgan vaqt uchun to‘liq tovon puli bilan iste’foga chiqarishga haqli. Shu bilan birga, "Barselona"ga qarshi hech qanday sanksiya qo‘llanilmaydi.
Salbiy tomoni shundaki, bu holatda Breytueyt to‘liq maosh oladi, garchi u "Barselona" futbolchisi hisoblanmasa-da. Ispaniya matbuoti xabariga ko‘ra, daniyalik futbolchi yiliga taxminan to‘rt million yevro oladi.
