"Barselona"ning sobiq yarim himoyachisi Artur Melo Ispaniya La Ligasiga qaytish arafasida. Jurnalist Romeo Agrestining yozishicha, Turinning “Yuventus” klubi bugun “Valensiya” rahbariyati bilan Braziliya terma jamoasi futbolchisini ijaraga olish borasida juda ijobiy muzokaralar olib bordi.
Qayd etilishicha, Artur "Valensiya" bosh murabbiyi Jennaro Gattuzo bilan ham gaplashishga muvaffaq bo‘lgan. Italiyalik murabbiy yarim himoyachini "ko‘rshapalaklar" safiga qo‘shilishga ko‘ndirib, unga asosiy tarkibda doimiy o‘rin egallashini va’da qildi.
Eslatib o‘tamiz, Artur 2020 yilning yozida "Barselona"dan "Yuventus"ga o‘tgan, biroq u A Seriyada muvaffaqiyat qozona olmadi. "Keksa sinyora" bosh murabbiyi Massimiliano Allegri futbolchiga uning rejalariga kiritilmaganini aytdi. .
